ராகு கேது பெயர்ச்சி கடக ராசிக்கு எப்படி இருக்கும்? இதை கட்டுப்படுத்தினால் எல்லாம் சுகமே...

நம் வாழ்வில் நாம் நினைத்தது சரியாக நடக்காமல் போகும் நேரத்தில் நாம் கடவுளிடம் முறையிடுவோம். இறை வழிபாடு நம் மனதை ஆறுதலைத் தரும். அதே சமயம் நாம் எப்படிப்பட்ட முயற்சிகள் எடுக்கலாம்.

ஏதேனும் பரிகாரம் தேவையான என ஜோதிடரை அனுகுவது உண்டு. அந்த வகையில் கிரக பெயர்ச்சி பலனை தெரிந்து கொண்டு, அதற்கேற்றார் போல நாம் வேலையில் செயல்பட, குடும்பத்தில் நடந்து கொள்ள நன்மை கிடைக்கும்.

அப்படி ராகு கேது பெயர்ச்சி கடக ராசிக்கு 1.9.2020 வரை எப்படிப்பட்ட பலன்களை தரும் என்பதை இங்கு பார்ப்போம்.

20.5.2020 வரை ராகு - கேது பலன்
பேச்சில் வல்லவர்கள் கடக ராசியினர். சிறிது சுயநலவாதியான நீங்கள் எப்படிப்பட்ட சூழலையும் உங்களுக்கு சாதகமாக்கிக் கொள்ளும் கெட்டிக்காரர்கள்.

நண்டைப் போல வேகமாக நடக்கும் நீங்கள், ஆபத்து என்றால் காத்துக் கொள்ள மறைந்து கொள்வதுண்டு. இருப்பினும் நீங்கள் எதிர் பாலினத்துடன் சற்று கூடுதல் கவனமாக இருப்பது அவசியம்.

1.9.2020 வரை ராகு உங்கள் ராசிக்கு 12ஆம் இடத்திலும், கேது உங்கள் ராசிக்கு 6ஆம் வீட்டிலும் சஞ்சரிக்கின்றனர்.

உண்மையில் இது ஒரு அற்புதமான அமைப்பாகும். உங்களின் மறைமுக எதிரிகள் நீங்குவர்.

பண வரவு சிறப்பாக இருக்கும்.

ஆரோக்கியத்தைப் பொறுத்தளவில் சிறப்பாக இருக்கும். அவ்வப்போது பணியின் காரணமாக அலைச்சல், மன உளைச்சல் ஏற்படலாம். இருப்பினும் இது படிப்படியாகக் குறையும்.

குடும்பம் மற்றும் பொருளாதார நிலை :

குடும்பத்தில் பண வரவு சிறப்பாக இருப்பதால் மகிழ்ச்சியான சூழல் தான் நிலவும். அசையும், அசையா சொத்துக்கள் வாங்கும் பாக்கியமுண்டு.

உத்தியோகத்தைப் பொறுத்தவரையில் முன்னேற்றம் காணக்கூடிய அமைப்பு உள்ளது. இதுவரை எதிர்பார்த்து வந்த ஊதிய, உத்தியோக உயர்வு சந்திக்க உள்ளீர்கள்.

தொழில், வியாபாரம் செய்யக் கூடியவர்களுக்கு லாபம் பெறக்கூடிய சிறப்பான அமைப்பு உள்ளது. உங்களின் முயற்சிகள் வெற்றி அடையும். தொழில் ரீதியான பயணங்கள் இருக்கக் கூடும். இதனால் அலைச்சல் உண்டாகலாம். இருப்பினும் எதிர்பார்த்த உதவிகளும், லாபமாகும் கிடைக்கக் கூடிய அருமையான காலம்.

மாணவர்கள் கல்வியில் முன்னேற்றத்தை காணக்கூடிய நிலை உண்டு. எதிர்பார்த்த மதிப்பெண் கிடைக்கும். நல்ல நண்பர்களின் சேர்க்கை நன்மையைத் தரும். கல்வியில் கவனம் செலுத்த சிறப்பான மதிப்பெண் பெறுவீர்கள்.

25.12.2019 முதல் 20.5.2020 வரை பலன் எப்படி இருக்கும்:

இந்த காலத்தில் ராகு திருவாதிரை நட்சத்திரத்திலும், கேது மூல நட்சத்திரத்திலும் சஞ்சரிக்கக் கூடிய காலம் இது.

இந்த காலத்தில் மறைமுக எதிரிகள் மறைவார்கள். உங்களின் பலம், வளம் கூடும். பணவு ஏற்ற இறக்கமாக இருந்தாலும் உங்களின் தேவைகளை சரியாக பூர்த்தி செய்யக் கூடிய அமைப்பு உண்டு.

அடி வயிறு சார்ந்த பிரச்சினைகள் உள்ளிட்ட உடல் ஆரோக்கியத்தில் கூடுதல் கவனம் செலுத்த நன்மை வந்து சேரும்.

முடிந்த வரை வெளி உணவுகளைத் தவிர்ப்பதும், அலைச்சல்களைத் தவிர்ப்பது நல்லது.

குடும்பத்தில் மகிழ்ச்சிக்குக் குறைவு இருக்காது. உற்றார், உறவினர், நண்பர்களின் உதவி கிடைக்கும். உத்தியோகத்தில் திறமையை வெளிப்படுத்திப் பாராட்டும், உத்தியோக, ஊதிய உயர்வு பெற வாய்ப்புண்டு.

மாணவர்கள் முழு கவனத்துடன் படிக்க தேர்வில் மிக சிறப்பான மதிப்பெண் பெற வாய்ப்புண்டு.

21.5.2020 முதல் 1.9.2020 வரை :

இந்த காலத்தில் ராகு மிருகஷீரிடம் நட்சத்திரத்திலும், கேது மூல நட்சத்திரத்திலும் சஞ்சரிப்பார்கள்.

இந்த காலத்தில் கடக ராசியினருக்கு பண வரவுக்கு பஞ்சமிருக்காது. அவ்வப்போது உடல்நலப் பிரச்சினைகள் ஏற்படலாம். இருப்பினும் அதிலிருந்து எளிதாக மீள்வீர்கள். குடும்ப தேவைகளை சரியாக பூர்த்தி செய்வீர்கள்.

இந்த காலத்தில் முக்கியமாக கடைப்பிடிக்க வேண்டியது பேச்சில், செயலில் நிதானத்தைக் கடைப்பிடிப்பது அவசியம். முடிந்த வரை கோபத்ஹ்டை குறைத்துக் கொள்வது மிக அவசியம்.

அலைச்சல் இருக்கும்
கொடுக்கல் வாங்கல் விஷயங்களை குறைத்துக் கொள்வது மிக அவசியம். சுப காரிய பேச்சு வார்த்தையில் சற்று அலைச்சல் இருக்கும். இருப்பினும் உங்களின் முயற்சிக்கு ஏற்ற பலன் கிடைக்கக் கூடும்.

தொழில், வியாபாரத்தில் முன்னேற்றம் இருக்கும். எதிர்பார்த்த பதவி, ஊதிய உயர்வு இருக்கும். மொத்தத்தில் சோதனைகளைக் கடந்து சாதனையை படைக்கக் கூடிய காலமாகும்.

பரிகாரம் :

அடிக்கடி விநாயகர் கோயிலுக்கு சென்று வருவது நல்லது. சங்கடஹர சதுர்த்தி தினத்தில் அருகம் புல் மாலை சாற்றி கணபதியை வணங்கி வருவது நல்லது.

பௌர்ணமி தினத்தில் அம்பாளுக்கு குங்கும அபிஷேகம் செய்வது சிறப்பு.

ராசியான நிறம் :

சிவப்பு,வெள்ளை

ராசியான திக்கு:

தெற்கு